بیجنگ۔ 16 نومبر (اے پی پی) چین نا صوبہ شانشی ٹی ماڑی اسے ٹی خاخر لگنگ آن 11 بندغ زوال و51 ٹھپی مسر ہرافتے ہسپتال آ گدریفنگانے۔ فرانسیسی خبررساں ادارہ نا رداٹ ہندی سرکاری میڈیا کمامدارآتا بابت پارے کہ پنچ شنبے ناسہب اتون 6 بجہ ءُ 50 منٹ آ لولیانگ شارانا ضلع لیشی ٹی کولانا کمپنی یونگجو تون گنڈوک ماڑی اسے نا چارمیکو مزل اٹ خاخر لگا ہراڑآن 11 بندغ زوال کریر وخت اس کہ 63 بندغ ءِ بچفنگا ہرافتیان 51 ءِ درمان کن ہسپتال آ گدریفنگانے۔ کمکی کاریم برجاءِ و خاخر لگنگ نا سوب آتے ہُننگ کن جاست وپاست کننگ انگ ءِ۔
