کابل۔ 08 نومبر(اے پی پی) اوغانستان نا قطبی صوبہ بدخشاں ٹی بارودی سرنگ نا دھماکہ غان اسہ چناس زوال و اِرٹ پین ٹھپی مسنو۔ چینی خبررساں ادارہ نا رداٹ صوبائی پولیس نا دفتر نا اسہ بیان اسے ٹی پاننگانے کہ تدوک آ دے ضلع جرم اٹی بارودی سرنگ نا دھماکہ غان 1 چناس زوال و 2 پین ٹھپی مسنو۔ اوپارے کہ ہنداوڑنا اسہ واقعہ اس اسہ تُومست قطبی صوبہ جوزجان نا ضلع درزاب اٹی اِراچناتا جون ءِ ہلکوسس و اسٹ اس ٹھپی مسوسس۔ یات سلے کہ اوغانستان مبینہ وڑاٹ بارودی سرنگ آن غٹ آن زیات کچٹ ملک آتیان اسٹ ءِ، انتئے کہ چاردہائی آن زیات جنگ اٹی ترخپروک آ ازباب آک ملک اٹی ہر تُو اسہ درزن آن زیات بندغ آتا جون ءِ ہلیرہ ہرافتے ٹی زیات تر چناک مریرہ ۔
