اسلام آباد۔ 26مئی (اے پی پی) بنجائی وزیر ڈٹ بندی و شون و اصلاحات احسن اقبال پارینے کہ پولیس اصلاحات آتا نتیجہ ٹی راج آ مثبت زئم تمک، ٹریفک پولیس ئِ الس تون دوستانہ رویہ تخنگ کن مارئشت نا گرج ئِ۔ پنچ شنبے آ داخیال آتا درشانی ئِ او پلاننگ کمیشن اٹی اسہ دیوان اسینا کماشی ئِ کرسا کرے ہراٹی اسلام آباد پولیس نا یونیورسٹی تیٹی ٹریننگ آن بابت معاملہ غاتا جاچ ئِ ہلنگا۔ دیوان اٹی یونیورسٹی تا وائس چانسلرز وپولیس نا بڑزکو افسرآک شرکت کریر۔ بنجائی وزیر پارت کرے کہ پولیس ڈیپارٹمنٹ و یونیورسٹی تتون اواری اٹ تربیتی کورس مرتب کروئی مرے۔ اوپارے کہ پولیس ئِ کیونٹی لیڈر جوڑ کننگ اٹی یونیورسٹیک اہم کڑدادا کننگ کیرہ۔ اوپارے کہ سیف سٹی ڈٹ اکن پولیس عملہ ئِ پوسکن آٹیکنالوجی و کمپیوٹر نا تعلیم نا تننگ المی ئِ۔
