واشنگٹن۔ 13 اکتوبر (اے پی پی) امریکی کمامدار و قطری حکومت اسرائیل آ حماس نا جلہو ءِ مون آ تخسا انسانی امداد کن ایران ءِ 6 بلین ڈالرنا اکاؤنٹ اسکان رسینگ آن توننگ آ امناکرینو۔ سعودی میڈیا نا رداٹ ایوان نمائندگان نا 3 باسک شناخت ظاہر کپننگ نا شڑت آ پاریر کہ نائب وزیرخزانہ والی ایڈیمو ایوان نمائندگان ءِ پارینے کہ پیسہ زوت ہچ ءُ جاگہ اس ہِنپننگ ءُ۔ سینیٹ بینکنگ کمیٹی نا چیئرمین شیروڈبراؤن تون اوار ہڑتوم آ پارٹی تا سینیٹر آک جوبائیڈن انتظامیہ تون معاہد ہ ءِ پدی ہلنگ نا خواست کرینو۔ امداد ءِ منجمد کننگ نا بارواٹی سوج انا ورندی ٹی اقوام متحدہ ٹی ایران نا مشن اسہ بیان اسے ٹی پارے کہ تعلقدار سینیٹر و امریکی حکومت داہیت آن جوان وڑاٹ معلومدار ءُ کہ او معاہدہ غان پدی مننگ کپسہ۔ اوپارے کہ دا فنڈ بجاوڑاٹ ایرانی الس نا ءِ و اوفتے کن غٹ بنداوی و غیرمنظور مروک گرج آتسکان رسینگ نا آسراتی ءِ فراوان کننگ کن ایرانی حکومت ءِ جتا کننگانو۔ کوئینسی انسٹی ٹیوٹ فار رسپانسبل سٹیٹ کرافٹ نا ایگزیکٹیو نائب صدر تریتا پارسی پارے کہ امداد نا منسوخی آن ایران اٹ سخت گیر توار تا است بڈی مریک ہرافک دیکی تون کاریم کننگ آن انکار کرینو۔
