مق۔ 12 اکتوبر(اے پی پی) طوفان الاقصیٰ نا بناغان پدآن تدوک آ 5 دے اٹی 20 ان زیات مسیت آتے شہید کننگانے۔ فلسطینی خبررساں ادارہ نا رداٹ اوقاف و مذہبی امور نا وزارت نا کارندہ اکرامی سالم میڈیا ءِ پارے کہ اسرائیلی کوزہ گیرفوج تینا جنگی جہاز آتا کمک اٹ غزہ نا پٹی ٹی 20 مسیت آتے جزوی یا پورو وڑاٹ شہید کرینے۔ اوپارے کہ وزارت اوقاف و مذہبی امور نا مرکزی ماڑی و فلسطین ٹاوراٹی وزارت القرآن ریڈیونا 14 مزل آتیاتالان ہیڈکوارٹرآن بیدس بیت الاہیاخلق انا سعدالانصاری مسیت، خان یونس شار اٹی واقع الحبیب محمد مسیت، الیرموک، احمد یاسین، العباس غزہ شار اٹی سوسی و شتیوی و جبالیہ پناہ گزین کیمپ اٹی ساڑی مسیت آتے شہید کننگانے۔
