مقبوضہ بیت المقدس۔ 12 اکتوبر (اے پی پی) اقوام متحدہ پارینے کہ غزہ ٹی اسرائیلی بمباری نا سوب آن 3 لکھ 38 ہزار آن زیات بندغ بےاُرا مسنو۔ فرانسیسی خبررساں ادارہ نا رداٹ اقوام متحدہ نا دفتر انسانی امور نا رابطہ کار (اوسی ایچ اے) پنچ شنبے نادےآ جاری بیان اٹی پارے کہ غزہ ٹی بھلو کچ اسے آ ہمپنگ برجاءِ، بے اُرا بندغ آتا کچ ودسا3 لکھ 38 ہزار 934مسنے۔ اوسی ایچ اے پارے کہ کم و ود 2 لکھ 20 ہزار بندغ یا بے اُرامروک آ اِرا تہائی فلسطیی شاریک اقوام متحدہ نا فلسطینی پناہ گزین تا مخ تفی ء کروک آ ایجنسی یواین آرڈبلیو اے نا بست وبند اٹی اسکول آتیٹی پناہ ہلکنو، 15 ہزار بندغ فلسطینی اتھارٹی نا بست وبند اٹی اسکول وخت اس کہ اسہ لکھ آن زیات فلسطینی شاری تینا عزیز وقریب، ہمسایہ، چرچ و ایلو ہند آتیٹی پناہ ہلنگ ءُ۔ اوسی ایچ اے غزہ نا وزارت تعمیرات عامہ وہاؤسنگ نا حساب وکتاب نا حوالہ ءِ ترسا پارے کہ اسرائیلی بمباری غزہ ٹی 2،540 ہند آتے بھس یا ناقابل رہائش کرینے۔ ادارہ پارے کہ فضائی جلہوآتیٹی سیوریج آسراتی ہم زہمی مسنے ہراڑان جان جوڑی ءِ خطرہ مون تروک ءِ۔
