مقبوضہ بیت المقدس۔ 11 اکتوبر (اے پی پی) اقوام متحدہ پارینے کہ غزہ نا پٹی ٹی 260،000 آن زیات مخلوق تینا اُراتے ہلنگ آ بیوس مسنو۔ عرب نشریاتی ادارہ نا رداٹ اقوام متحدہ نا انسانی ہمدردی نا ادارہ اوسی ایچ اے اسہ بیان اسے ٹی پارے کہ غزہ ٹی فلسطینی تیا بمباری ٹی 2 لکھ 60 ہزار آن زیات مخلوق تینا اُراتے ہلانو۔ اوفلسطینی کمامدارآتا حوالہ ءِ ترسا پارے کہ بمباری نا مہم 1،000 آن زیات ہند آتے بھس کرینے و 560 ءِ داخہ درزیات نسخان رسینگانے کہ او رہینگ نا قابل افس۔ اومتنبہ کرینے کہ ہرافک بے اُرامتنو اوفتے کن بنداوی گرج آتے پورو کننگ مشکل مرسا کننگ ءِ۔ اومستی پارے کہ اسرائیل غزہ نا پٹی آ مہالو آن ناکہ بندی کرینے و علاقہ ءِ پورو گھیڑ کرسا خور، دِیر، ایندھن نا فراوانی ءِ تورینے و داگام آن مہالو آن سنگین انسانی حالیت پین خراب مریک۔
