تہران۔ 09 اکتوبر (اے پی پی) ایران اسرائیل آ جلہو نا ڈٹ بندی ٹی حماس نا کمک نا تردید ءِ کرے۔ داکان مست امریکی اخبار وال اسٹریٹ جرنل تینا رپورٹ اٹی دعویٰ کریسس کہ ایران ناپاسدارانِ انقلاب نا آفیسر آک اگست آن اسرائیل آ جلہو نا ڈٹ بندی ٹی حماس نا کمک ءِ کریسر و ایران ہی تدوک آ دوشنبے آ لبنان نا شار بیروت اٹی مروک آ دیوان اٹی دا کارروائی نا بناءِ کننگ کن گرین سگنل تسوسس۔ تہران دا دوبہ غاتا تردید ءِ کرینے کہ او حماس ءِ ہفتہ نا سہب اسرائیل آ اناگت جلہو نا ڈٹ بندی ٹی کمک کریسس۔ اقوام متحدہ ٹی ایران نا مشن اسہ بیان اسے ٹی پارے کہ حماس انت کہ فیصلہ اس کرےاو خالص تینٹ کرے، و دافیصلہ فلسطینی الس نا روا فائدہ غاتون ہم گرنچ ءِ ، نن اسرائیل نا برخلاف فلسطین نا ردعمل اٹ اوار افن۔ داکان بیدس حماس نا اسہ عہدیدار علی براکا این بی سی نیوز ءِ انٹرویو ٹی پارے کہ ایران ءِ آپریشن الاقصیٰ فلڈ انا بارواٹی مہالو آن اطلاع تننگتویسس۔
