انقرہ۔ 05 اکتوبر (اے پی پی) ترک وزیر خارجہ ہاکان فیدان دعویٰ کرینے کہ تدوک آ یک شنبے آ انقرہ ٹی وزارت داخلہ نا ہیڈ کوارٹر آ جلہو اٹی اوار بندغ شام آن بسوسس۔ ترک خبررساں ادارہ نا رداٹ اوپارے کہ عراق و شام اٹی دہشت گرد تنظیم ’پی کے کے‘ و ’وائی پی جے‘ نا غٹ بنداوی پنجر و زیر استعمال آسراتی تتون اوار اوار پاور پوائنٹ آک ہم ننا روا ہدف جوڑ مسنو۔ اوخبڑدار کرے کہ ہرمسٹ آ فریق آتے کردستان ورکرز پارٹی و پیپلزپروٹیکشن یونٹ آتا زیرکنٹرول دا تنصیب آتیان مر مننگ نا سفارش کیوہ۔ اوپارے کہ جلہو آ ننا سلہہ بند فوج انا ردعمل بھاز سخت و درست مریک۔ ہندا رداٹ ترکیہ نا وزارت داخلہ جلہو نا ارٹ میکو ڈوہدار کردستان ورکرز پارٹی نا باسک اوزکان شاہین نا شناخت نا پڑو کرینے۔ وزارت داخلہ مستی پارے کہ سیکورٹی کمامدارآک داواقعہ نا جاست وپاست ءِ برجاتخانو۔
