بغداد۔ 04 اکتوبر (اے پی پی) عراق نا شار الحمد انیہ نا شادی ہال اٹی لگوک آ خاخر آن مرک آتا کچ ودسا 119 مسنے، ٹھپی مروک آ برامی نا باوہ ہم کزیت کرے۔ سعودی حوالی نا رداٹ عراق نا محکمہ جان جوڑی نا پاننگ ءِ کہ الحمدانیہ خاخر لگنگ نا واقعہ ٹی زوال کروک آتاکچ 119 اسکان سرمسنے۔ سرکاری جاست وپاست نا رداٹ شادی ہال اٹی خاخر لگنگ ڈیوالئی نا نتیجہ ئس۔ منتظمین خاخر آن بچفنگ نا بست وبند ءِ کتویسر۔ عراقی وزیر داخلہ عبدالامیر الشمری نا پاننگ ءِ شادی ہال نا مالک و مسہ ملازم آک ہندن ءُ جاگہ اس ہرا زیات آن زیات 400 بندغ آتیکن جتا کریسر ہموڑے 900 بندغ ءِ پترینگ انگ نا موکل تسوسر۔ شادی ہال آن پیش تمنگ کن ایمرجنسی گیٹ ہم الوکہ۔ جاست وپاست آن داہیت ہم مون آبسنے، شادی ہال نا چھت اٹ ترندی اٹ خاخر ہرفوک آ مواد آک اوار ئسر۔
