بیجنگ۔ 12 ستمبر (اے پی پی) ہژدہ می جہانی آبی کانفرنس بیجنگ اٹی بناکرینے۔ کانفرنس اٹی پاکستان تون اوار دنیا نا 60 آن زیات ملک و ڈیہہ تا کم و ود 600 جہانی نمائندہ، 130 آن زیات جہانی تنظیم و دیر اتون وابستہ ادارہ و کم و ود 700 اُرائی آبی رکھ انا صنعت ناکارندہ غاک بشخ ہلنگ اٹی ءُ۔ سے شنبےنادے آ جاری میڈیا حوال آتا رداٹ دا اولیکو موقع ءِ کہ چین اٹی ورلڈ واٹر کانفرنس اڈتننگانے۔ کانفرنس نا سرحال ’’دِیر غٹ اکن، انسان و فطرت نا نیام اٹ ہم آہنگی‘‘ ءِ۔ کانفرنس اٹی چین نا کنڈآن رکھ ءِ آب انا بابت تصور و دیر انا بست وبند اٹی دوئی مروک سرسہبی تیا شرہ کننگک ہراڑان جہانی آبی گورننس اٹ کمک رسینکگ۔ ہنداسوب ءِ کہ دا سرگرمی ءِ درملکی نمائندہ غاتا کنڈآن نمان چکار ملانے۔ دابابت درملکی چاہندار آتا پاننگ ءِ کہ چین بھلا آبی ڈٹ آتا بابت پوسکن آ نقطہ نظر و دیر انا راجی بست وبند آتیٹی سرسہب آزموندہ کرینے۔ چین دا آزموندہ ءِ جہانی کہول آ بشخنگ کیک و تینا پوسکن آ ٹیکنالوجی تا شریداری ءِ کننگ کیک۔
