سرینگر۔ 12 ستمبر (اے پی پی) غیرکانودی وڑاٹ بھارت نا کوزہ ٹی جموں وکشمیر اٹی سرینگر جموں ہائی وے آ سڑک نا اسہ شکست اسے ٹی 4 بندغ زوال کرینو۔ کشمیر میڈیا سروس نا رداٹ دا شکست سے شنبے نادے آ ضلع رام بن نا علاقہ بانیہال اٹی سرینگر جموں ہائی وے آ اسہ ٹرک اسے آ مش اسے نا کرود اسےنا تمنگ نا سوب آن پیش بس۔ اسہ ٹریفک کارندہ اس میڈیا ءِ پارینے کہ دامانِ کشمیر نا کنڈآ ہنو ک آ ٹرک آ سلیاد شیر بی بی نا خڑک مش انا کرود اس تما۔ ٹرک کرود آتون اسہ کھڈ اسے ٹی تما ہراڑان ٹرک آ سُوار ہرچار آ بندغ آک موقع غا ہی زوال کریر۔ پولیس نا پاننگ ءِ کہ شکست آن پد ہائی وے ءِ ٹریفک کن بند کننگاسس۔ ولے او مستی پارے کہ شاہراہ نا بحالی نا کاریم برجاءِ۔
