جموں۔ 11 ستمبر (اے پی پی) بھارت نا غیرکانودی وڑاٹ کوزہ ٹی جموں وکشمیر نا جاڑ انگا ضلع راجوری و پونچھ اٹی تحریک آزادی نا سرجزآتے توننگ نا پن آ ودکی بھارتی فوجی تے تعینات کننگانے۔ کشمیر میڈیا سروس نا رداٹ بھارتی پولیس تینا ایجنٹ آتے کنٹرول لائن نا خڑک خلق آتیٹی تالان کرینے تانکہ دا علاقہ غاتیٹی آجوئی پسند کارندہ غاتا بارواٹ معلومداری فراوان کننگ مرے۔ بھارتی فورس آک راجوری، پونچھ و ریاستی ضلع غاتا چندی علاقہ غاتیٹی گھیڑ و پٹنگ نا کارروائی تیٹی ہم ترندی ایسنو۔ راجوری و پونچھ ضلع غاتا مشی آ علاقہ غاتیٹی پدریسہ چاروکی کن ڈرون تے کاریم اٹ اتنگ انگ ءِ وخت اس کہ پولیس ءِ پاننگانے کہ او کنٹرول لائن و ایلو حساس علاقہ غاتا خڑک رہینگوک آ مخلوق تون وٹس ایپ گروپ جوڑ کیر و اوفتے پار کہ اگہ او آجوئی پسند سرجزآتے خنر تو ننے معلومداری ایتر۔ بھارتی فوج انا کنٹرول اٹی ویلج ڈیفنس گارڈ (VDGs)ءِ ہم خاص وڑاٹ نن نا وخت ءُ پاس اٹی مجاہد آتا ہن و برنا چاروکی نا کاریم ءِ تننگانے۔
