سرینگر۔ 11 ستمبر (اے پی پی) بھارت نا غیرکانودی وڑاٹ کوزہ ٹی جموں وکشمیر اٹی بھارتی فوجیک ضلع بارہمولہ ٹی اسہ زالبول اسے تون اوار مسہ شاری تے دزگیرکریر۔ کشمیر میڈیا سروس نا رداٹ فوجیک ضلع نا علاقہ چک ٹپر اٹی گھیڑ و پٹنگ نا کارروائی تیٹی لطیف احمد، شوکت احمد و اسہ زالبول اسے دزگیرکریر۔ فوجیک دزگیری تا جواز پیش کننگ کن اوفتا کوزہ غان سلہہ و گولہ بارود دوئی کننگ نا دعویٰ کرے۔ دزگیر بندغ آتا برخلاف غیرکانودی سرجزآتا توننگ نا مون انگا کانود یواے پی اے و آرمز ایکٹ نا رداٹ مقدمہ نوشتہ کننگانے۔ داکان بیدس بھارتی فوجیک ضلع بارہمولہ ٹی پٹن نا علاقہ ہانجیویر اآن اسہ دیسی ساختہ بمب اس دوئی کننگ نا دعویٰ کرینو۔
