سرینگر۔ 08 ستمبر (اے پی پی) بھارت نا غیرکانودی کوزہ ٹی جموں وکشمیر اٹی پوسٹر خلنگانے ہرافتا کمک اٹ گروپ 20 باسک ملک آتیا زور شاغانے کہ اوکودک کشمیری تا کشت وخون نا چٹفنگ و کشمیر نا ویل انا ایسری کن مودی حکومت آ زور شاغر۔ کشمیر میڈیا سروس نا رداٹ سرینگر و ایلو علاقہ غاتیٹی دا پوسٹر آجوئی پسند تنظیم ریزسٹنس یوتھ فورم جموں وکشمیر، جموں و کشمیر پولیٹیکل ریزسٹنس موومنٹ، جموں کشمیر ڈیموکریٹک، موومنٹ، ریزسٹنس یوتھ فورم جموں وکشمیر ، جموں کشمیر یوتھ موومنٹ ، جموں و کشمیر جسٹس اینڈ پیس موومنٹ و نوجوانان حریت جموں کشمیر ئسک خلکنو۔ پوسٹر آتیٹی گروپ 20 باسک آتیا زور شاغنگانے کہ او داہیت انا درک ءِ خلیر کہ بھارت ناپاک مسخت آتا رداٹ مقبوضہ جموں وکشمیر اٹی فورم نا دیوان اس اڈ تسر۔ دا دیوان تا اڈتننگ نا اسٹ انگا مسخت جہانی برادری ءِ دا تاثرتروئی ئسک کہ مقبوضہ علاقہ ٹی حالیت آک اسُل سہی ءُ۔ پوسٹرآتا کمک اٹ اقوام متحدہ غا زور شاغنگاکہ اوکشمیری تتون کروک آ تینا قول آتیا عملدرآمد کرفے و تینا پاس کروک قراردادآتیا عملدرآمد کرفسا کشمیری تے اوفتا ودی ئی حق، حق خودارادیت ترفے۔
