کوئٹہ۔ 25مئی (اے پی پی) ینگ ڈاکٹرزایسوسی ایشن بلوچستان نا کنڈآن کوئٹہ تون اوار مچ آصوبہ نا سرکاری ہسپتال آتا اوپی ڈیز و جنرل آپریشن تھیٹر آتا بائیکاٹ جاری ئِ ۔ سرجم حوال آتارداٹ چارشنبے آ ینگ ڈاکٹرز آک تینا خواست آتا حق اٹی کوئٹہ تون اوار مچ آصوبہ نا سرکاری ہسپتال آتا اوپی ڈیز و جنرل آپریشن تھیٹرز آتا بائیکاٹ جاری ئِ۔ ینگ ڈاکٹرآتا بائیکاٹ نا سوب آن مریض آتے سخت فریشانی نا مون تروکی تمنگ ئِ ، واہم ایمرجنسی آپریشن تھیٹرز و وارڈز اٹی کاریم جاری ئِ۔ داوخت آ ینگ ڈاکٹرایسوسی ایشن و پیرامیڈیکل اسٹاف ایسوسی ایشن برانزی مچی کریر ہراٹی بھلو کچ اسیٹی ینگ ڈاکٹر آک برانزی مچی ٹی شرکت کریر اوحکومت بلوچستان آن خواست کرسا پاریر کہ صوبائی حکومت ننا روا خواست آتے دمدستی وڑاٹ ایسر کے تانکہ مریض آتا درمان نا دوئی ٹی اڑاند مف۔
