اسلام آباد۔ 25مئی (اے پی پی) وزارت ڈٹ بندی و شون اصلاحات اینخو نا مالی سال 2015-16ءنا سرکاری بشخ انا شونداری پروگرام آتیٹی لاءجسٹس و انسانی حقوق ڈویژن نا شونداری ڈٹ آتے کن جمی وڑاٹ اسہ ارب 19کروڑ 75لکھ روپئی نا فنڈ جاری کرینے۔ حکومت اینخو نا مالی سال اٹی دا ڈویژن نا شونداری کاریم تے کن اسہ ارب 50کروڑ روپئی نا فنڈ تخانے۔ پلاننگ کمیشن نا برجاءکروک حساب وکتاب نا رداٹ حکومت اسلام آباد ہائی کورٹ اٹی جوڑ جاڑی کاریم تے کن 73کروڑ 85لکھ، بنجائی پروگرام انصاف اسکان رسینگ کن 37کروڑ 49لکھ روپئی تون اوار کیہی شونداری ڈٹ آتے کن فنڈز جاری کرینے۔
