ریاض۔ 18 اگست (اے پی پی) سعودی عرب نا وزیرخارجہ شہزادہ فیصل بن فرحان اومیت ظاہر کرینے کہ شاہ سلمان بن عبدالعزیز نا سلہ غا ایرانی صدر ابراہیم رئیسی مملکت نا دورہ ءِ کیک۔ سعودی خبررساں ادارہ نا رداٹ سعودی وزیرخارجہ تینا ایرانی ہم منصب نا دورہ ءِ سعودی عرب نا وخت آ ریاض اٹی اسیجائی نیوز کانفرنس آن تران کریکہ۔ داوخت آ ایرانی وزیرخارجہ حسین امیر عبداللھیان پک کرے کہ ایرانی صدر ابراہیم رئیسی زوت سعودی عرب نا دورہ ءِ کیک۔ داکان مست پنچ شنبے نادے آ ایران نا وزیر خارجہ حسین امیر عبداللھیان سعودی عرب تون سفارتی تعلقداری استوار مننگ آن پد مملکت نا اولیکو سفارتی دورہ غا ریاض آ سرمسوسس۔
