جوہری خطرہ ءِ کم کننگ کن ہر ایرانی گام انا ستاءِ کینہ، امریکہ

واشنگٹن۔ 16 اگست (اے پی پی) امریکہ پارینے کہ او دا رپورٹ ءِ پک کننگ کپک کہ ایران جوہری سلہہ جوڑ کننگ کن افزودہ یورینیئم جمع کننگ نا رفتار ءِ کم کرینے ولے او ودوک آ جوہری خطرہ ءِ کم کننگ کن ہرایرانی گام انا ستاءِ کیک۔ برطانوی خبررساں ادارہ نا رداٹ امریکی وزیر خارجہ تدوک آ دے نیوز کانفرنس اٹی مسکوہی امریکی صدر ڈونلڈ ٹرمپ نا کنڈآن 2018ٹی ایران جوہری معاہدہ غان دز کشی نا کنڈا اشارہ کرساپارینے کہ یقینا نن ہر ہمو گام انا ستا ءِ کینہ ہرا ایران حقیقت اٹ دا ودوک آ جوہری خطرہ ءِ کم کننگ کن کننگک ہراامریکہ نا ایران نا جوہری معاہدہ غان پیش تمنگ آن پد اودے مون تروک مسنے۔ یات سلے کہ امریکی اخبار وال اسٹریٹ جرنل جمعہ نادے آ رپورٹ اٹی پاریسس کہ ایران یورینیم افزودگی نا رفتار ءِ نمان وڑاٹ کم کرینے وخت اس کہ جوہری اونا کوڑی ٹی ہم کمتی کرینے۔