اقوام متحدہ ۔ 01 اگست (اے پی پی) اقوام متحدہ نا سلامتی کونسل پاکستان نا صوبہ خیبرپختونخوانا علاقہ باجوڑ اٹی دھماکہ نا مذمت ءِ کرینے۔ چینی خبررساں ادارہ نا رداٹ اقوام متحدہ نا سلامتی کونسل نا باسک آک داہیت انا درشانی ءِ کریر کہ دہشت گردی نا ہرکارروائی اونا محرکات آتیان قطع نظر، خواہ او ہراڑے کہ، ہراکہ وخت و ہراسٹ نا ذریعہ کننگے، مجرمانہ و بلاجواز ءِ۔ اوپارے کہ دہشت گردی تینا غٹ شکل و مظاہر اٹی جہانی امن و سلامتی نا بھلا خطرہ غاتیان اسٹ ءِ۔ کونسل نا باسک آک دہشت گردی نا دا مذمت نا قابل کارروائی تا مرتکب بندغ، منتظم و مالی کمک کروک آتا احتساب ءِ کننگ و اوفتے اوفتا کروک نا سزاءِ تننگ نا گرج آ زور شاغا۔
