اقوام متحدہ۔ 01 اگست (اے پی پی) اقوام متحدہ نا سیکرٹری جنرل انتونیوگوتریش پاکستان نا صوبہ خیبرپختونخوا نا علاقہ باجوڑ اٹی جمعیت علماء اسلام (ف) نا کنونشن اٹی خودکش دھماکہ نا ترندی اٹ مذمت ءِ کرسا کمامدارآتیا زور شاغانے کہ دا سانحہ ٹی اوار بندغ آتے اوفتے اوفتا کروک نا سزا تننگے۔ اقوام متحدہ نا نائب ترجمان فرحان حق تدوک آ دے نیویارک اٹی اقوام متحدہ نا ہیڈکوارٹر اٹی پریس حوال اٹی پارے کہ سیکرٹری جنرل زہمی بندغ آتا خاہوت تون ہڑزخواہی و ٹھپی تا زوت دراخ جوڑی کن نیک است خواہی نا درشانی ءِ کرینے۔ اقوام متحدہ نا سیکرٹری جنرل پاکستانی کمامدارآتیا زور شاغا کہ داواقعہ ٹی اوار بندغ آتے اوفتے اوفتا کروک نا سزاتننگے۔ اوپارے کہ دہشت گردی نا غٹ واقعہ و شاری تا برخلاف جلہو آتا مذمت ءِ کینہ و دہشت گردی نا مقابلہ ءِ کننگ کن پاکستان نا حکوم تو الس تون سلوک اُن۔
