کوئٹہ۔ 25مئی (اے پی پی) بنجائی وزیر واپار خرم دستگیر خان پارینے کہ وزیراعظم نیشنل ہیلتھ انشورنس اسکیم اسہ اہم ئُ ڈٹ اسے ہرا ملک انا نیزگار الس نا کمک کن اڈتننگانے، داڈٹ آ عملدرآمد ئِ باوری جوڑ کننگ کن اسٹیٹ لائف انشورنس کارپوریشن غٹ تر اڑاند آتے مر کے تانکہ اونا بھرمک ملک انا نیزگار الس اسکان رسینگر ۔ دا ہیت ئِ او چارشنبے آ اسٹیٹ لائف انشورنس کارپوریشن کوئٹہ ریجن اٹی جاچ دیوان آن تران کرسا پارے۔ دا وخت آ زونل چیف محمد اورنگزیب ، سیکٹر ہیڈ بلوچستان ناصر الدین مینگل بنجائی وزیر ئِ بلوچستان آفس نا کارکڑد آن بابت حوال تسر۔ بنجائی وزیر واپار خرم دستگیر پارے کہ اسٹیٹ لائف انشورنس کارپوریشن ئِ پرائیویٹ کپننگ انگ ئِ بلکن اودے اسہ کارپوریٹ ادارہ اس جوڑ کننگ انگ ئِ ہراڑکن پوسکن آ کانود سازی ٹی سیکشن 7,6,5 اٹی اسٹیٹ لائف نا غٹ ساڑی ملازم آتون اوار ریٹائرڈ ملازم سیلز فورس و پالیسی ہولڈرز آتے پوروی اٹ رکھ دوئی ئِ۔ اسٹیٹ لائف انشورنس کارپوریشن انشورنس ہمو اسٹ انگا ملکی ادارہ ئِ ہرانا دسترس مچ آ پاکستان نا غٹ مر مر انگا خلقی علاقہ غاتسکان ئِ ، اوپارت کرے کہ اڈ تروک آ پوسکن آ کانود اردو ٹی ترجمہ کرسا غٹ ملازم آتے فراوان کننگے تانکہ اوفتا گھڑتیک مرمننگ کیر۔ بنجائی وزیر باوری ترفے کہ اسٹیٹ لائف انشورنس کارپوریشن بلوچستان ناملازم آتا روا ویل آتا ایسری کن گام گیج چست کننگک و بلوچستان اٹی ادارہ نا تینا بلڈنگ اکن وزارت ریلوے آن ڈغار نا دوئی کن رابطہ کننگک۔ اوذونل چیف ئِ پارت کرے کہ او دا جملہ ویل آتا بابت جامع رپورٹ اس مرتب کرسا بنجائی وزارت واپار ئِ گدریفے۔
