تاشقند۔10جولائی (اے پی پی):شوکت مرزیوف یک رند ءِ پدا ازبکستان ءِ صدر گچین بوتگ۔ ازبکستان ءِ سنٹرل الیکشن کمیشن ءِ جار ءِ رد ءَ 9 جولائی ءَ برجم بوھوکیں گچین کاری ءَ شوکت مرزیوف ءِ بنگیجی آسر آنی رد ءَ 87.1 درسد ووٹ گپتگ۔ صدارتی گچین کاری ءَ ووٹرز آنی مزنیں کساسے ءَ بھر زوری کتگ۔ ازبکستان ءِ سنٹر الیکشن کمیشن ءِ رد ءَ شوکت مرزیوف ءِ ھلاپ ءَ دیم ءَ اوشتوک پیپلز ڈیموکیٹک پارٹی ءِ امیت وار الوگ بیک انویاتوف ءَ 4.2 درسد، سوشل ڈیموکریٹک پارٹی ءِ امیت وار باجون محمد ووا ءَ 4.43 درسد ءُ ایکوپارٹی ءِ امیت وار عبدالشکور حمز یوف ءَ 3.74 درسد ووٹ گپتگ۔ مزنیں کساس ءَ باج برئی ازبک الس ءِ شوکت مرزیوف ءِ سروکی ءُ وژن ءِ سر ءَ سرجمیں دل یکیمی ءِ درشان انت۔
