اسلام آباد۔ 25مئی (اے پی پی) قطبی وزیرستان نا بے اُرا بندغ آئی ڈی پیز آک حکومت آن خواست کرینو کہ اُراتا جوڑ جاڑ کن کروک آ وعدہ غاتے پورو کننگے۔ چارشنبے آ علاقہ نا سرکڑدہ و شرفمندآتا ڈل اس میڈیا تون ہیت وگپ کرسا پارے کہ حکومت بے اُرا بندغ آتا اُراتا جوڑ جاڑ کن اولیتی بنداو تیا امداد نا فراوانی نا وعدہ ئِ پورو کریسس و اوکان بیدس ہمپ و بٹ نا سوب مشکلات آتا گواچی بے اُرا بندغ آتا بحالی کن ہم حکومت فنڈز فراوان کننگ نا یخین دہانی کرفیسس داسا قطبی وزیرستان نا بے اُرا بندغ آک اووعدہ غاتا پورو مننگ نا خن کسرا اُننگ ئُ و وخت بسنے کہ وقطی وزیرستان نا بے اُرا بندغ آتون حکومت نا کنڈآن کروک آ وعدہ غاتے پورو کننگے۔ سرکڑدہ غاک پارینو کہ آپریشن ضرب عضب نا وخت اوفتا اُراک پورو ی وڑاٹ بھس مسنو ہرافتا جوڑ جاڑ حکومتی امداد آن بیدس مننگ کپک۔
