ماسکو۔ 19 جون (اے پی پی) روس انا صدر ولادیمیر پیوٹن تون سینٹ پیٹرز برگ اٹی سویلی افریقہ نا صدر سرل رانا فوسا اوڑدہی کرے و تین پہ تینی است خواہی نا امور نا بارواٹی گپ وتران کریر۔ چینی خبررساں ادارہ نا رداٹ اوڑدہی ٹی سویلی افریقی صدر پارے کہ نن خوانہ یوکرین روس جنگ چٹے، ویل آک اواری اٹ تولسا ایسر مننگ کیرہ۔ اوپارے کہ جنگ انا چٹفنگ کن پت سازی نا گام گیج آتا گرج ءِ۔ افریقی راہشون روسی ہم منصب تون بحیرہ اسود ءِ اناج نا فراوانی کن ملنگ نا خواست کرے۔ روسی صدر پارے کہ نن گپ وتران آن وخت اس ہم انکار کتنون، ولے یوکرین نا خواست آک گمراہ کن ءُ ہرافتیا عمل مننگ کپک۔
