واشنگٹن۔ 08 جون (اے پی پی) امریکی ریاست ٹیکساس نا ایوان نمائندگان نا باسک پاکستانی نژاد امریکی کانود ساز سلمان بھوجانی امریکہ ٹی پاکستان نا سفیر مسعود خان تون اوڑدہی کرے و اودے ریاست اٹ مسلم کمیونٹی ٹی سیوت ودی کننگ و پاکستان و ٹیکساس نا نیام اٹ واپار و زرکاری ءِ مون آ دننگ نا تینا کوشست آتا بارواٹی معلومدار کرے۔ واشنگٹن اٹی پاکستانی سفارت خانہ نا کنڈآن جاری پریس ریلیز نا رداٹ سلمان بھوجانی سفیر ءِ پارے کہ او ٹیکساس اٹی رہینگوک پاکستانی وایلو مسلم کمیونٹی تے تینا حلقہ تکک و اوفتا نیام اٹ مہرومریبت و ہمدردی ءِ مون آ دننگ آ چکار کیک۔ پاکستانی سفیر مسعود خان اودے ایوان نمائندگان نا باسک گچین مننگ آ مبارکباد پیش کرے وپارے کہ ٹیکساس و پاکستان نا صوبہ نا نیام اٹ معاہدہ غان واپار و واپار نا ساڑی آ لائخی تے کاریم اٹ اتنگ و السی کہول آ ڈل آتا ہن وبر ءِ مون آ دننگ اٹ کمک رسینگک۔
