مدینہ منورہ۔ 01 جون (ا ے پی پی) سعودی وزار ت حج و عمرہ پارینے کہ اِرالکھ آن زیات حاجی مدینہ منورہ غا سرمسنو، سعودی خبررساں ادارہ سعودی وزارت حج وعمرہ نا کنڈآن جاری کروک حساب وکتاب نا بابت پارے کہ حج سیزن نا بناآن داتم اسکان اِرالکھ آن زیات حج زائر مدینہ منورہ غا سرمسنو ہرافتیان اسہ لکھ 25 ہزار حج زائر امیر محمد بن عبدالعزیز انٹرنیشنل ایئرپورٹ مدینہ منورہ وخت اس کہ ہفت ہزار آن زیات ڈغار کسر اٹ مدینہ غا سرمسنو۔ مدینہ غا سرمروک آتیان غٹ آن زیات حج زائر آتا تعلق انڈونیشیا غان ءِ وخت اس کہ دا بابت بھارت ارٹ میکو، پاکستان مسٹ میکو و بنگلہ دیش چارمیکو نمبرآٹے ۔ یات سلے کہ 20 ہزار آن زیات حج زائر مسجد نبوی نا زیات آن پد مکہ مکرمہ غا روانہ مسنو۔
