انقرہ۔31مئی (اے پی پی) ترکیہ نا پوسکن گچین مروک آ صدر رجب طیب اردوان 3 جون آ مسٹ میکو مد اکن تینا عہدہ نا سوغند ہرفک و پوسکن آ کابینہ نا اسہ دے اس پد سوغند ہرفنگ نا گمان ءِ۔ روسی خبررساں ادارہ نا رپورٹ نا رداٹ پوسکن گچین مروک آ ترک صدر  ہفتہ نادے آ سوغند ہرفک و عہدہ ءِ سنبھالک وخت اس کہ کابینہ نا باسک آتاسوغندی دود یک شنبے نادے آ گمانی ءِ اوکان پد پوسکن آ حکومت تینا کاریم نا بناءِ کیک۔ حکمران جسٹس اینڈ ڈیولپمنٹ پارٹی (اے کے پی ) نا ترجمان عمر چیلک پارے کہ رجب طیب اردوان سوغند ہرفنگ آن دمدستی پد پوسکن آ کابینہ نا  پڑو ءِ کننگ کیک۔ ساڑی آ کابینہ غان بیرہ مسہ وزیر آتا تینا عہدہ غاتیا برقرار سلنگ نا گمان ءِ ہرافتے ٹی خارجہ امور، داخلہ و دفاع نا وزیر آک اوار ءُ۔

متعلقہ مضامینمصنف کی طرف سے مزید