اسلام آباد۔ 24مئی( اے پی پی ) چیف آف آرمی سٹاف جنرل راحیل شریف ئَ گوں چیک جمہوریہ ءِ سلاھ بندیں افواج ئِ چیف آف جنرل سٹاف جنرل جوزف بیکوار ئَ سئے شمبے ءِ روچئَ جی ایچ کیو ئَ گند ءُ نند کتگ ءُ دمگی سلامتی ئِ جاورھال ئَ ھوار وت مہ وت ئَ دلگوشی ئِ جیڑھ ءُ دوھیں ملک آنی درنیامئَ دیمپانی کمک ئِ گیشی کنگ ءِ سرئَ ھیال ءُ لیکہ ئِ درشانی کتگ۔ آئی ایس پی آر ءِ نیمگ ئَ چہ شنگ بوتگیں بیانئِ تہا جمہوریہ چیک ئِ سلاھ بندیں افواج ئِ چیف آف جنرل سٹاف ئَ آپریشن ضرب عضب ئِ تہا بوتگیں سوبمندی ساڑاتگ اَنت ءُ خطہ ئِ تہا امن ءُا یمنی ئِ مھکمی ئِ ھاترئَ پاکستان ئِ قربانی آں داد ءُ سلام پیش کتگ ۔ ایشی ئَ چہ پیسر جی ایچ کیو سربوھگئِ سرئَ پاک فوج ئِ یک چاک ءُ چوبند دستہئَ جمہوریہ چیک ئِ سلاھ بندیں افواج ئِ چیف آف جنرل سٹاف ئَ را گارڈ آف آنر پیش کتگ۔ جنرل جوزف بیکوار ئَ یات گار شہداءِ سرئَ پُھلانی چادر پِر داتگ ۔

متعلقہ مضامینمصنف کی طرف سے مزید