اسلام آباد۔ 25 اپریل (اے پی پی) اسلامی کمکار تنظیم (او آئی سی) نا باسک ملک آتیٹی روایتی دوائی و اوفتے تون منسلک بائیو میڈیکل سائنسز اٹی کمکاری ءِ سوگو کننگ کن چینی سائنسدان و صنعت کار آتا اسہ بڑزکو کہول انا 22 باسکی ڈل اس پاکستان نا دورہ ءِ کیک۔ اسلامی کمکار تنظیم نا ذیلی ادارہ کامسٹیک نا رداٹ چینی سائنسدان و صنعت کار آتا ڈل ادارہ جاتی و …
چینی سائنسدان و صنعت کار آتا بڑزکو کہول انا ڈل (پگہ) اسلام آباد اٹی کامسٹیک سیکرٹریٹ نا دورہ ءِ کیک
گیشتریں ھال
اسلام آباد۔ 25 اپریل (اے پی پی) اسلامی کمکار تنظیم (او آئی سی) نا باسک ملک آتیٹی روایتی دوائی و اوفتے تون منسلک بائیو میڈیکل سائنسز اٹی کمکاری ءِ سوگو کننگ کن چینی سائنسدان و صنعت کار آتا اسہ بڑزکو کہول انا 22 باسکی ڈل اس پاکستان نا دورہ ءِ کیک۔ اسلامی کمکار تنظیم نا ذیلی ادارہ کامسٹیک نا رداٹ چینی سائنسدان و صنعت کار آتا ڈل ادارہ جاتی و صنعتی رابطہ غاتا کمک اٹ قدرتی مصنوعات، بائیو ٹیکنالوجی ، مالیکیولر و سیل بائیولوجی و روایتی دوائی تا بشخ آتیٹی پٹ وپول و شونداری ٹی کمکاری ءِ مون آ دننگ کن مفاہمت نا یات داشت آ دستخط کننگ کن پگہ (پنچ شنبے) آ اسلام آباد اٹی کامسٹیک سیکرٹریٹ نا دورہ ءِ کیک۔ مفاہمتی یات داشت آ دستخط آن السی جمہوریہ چین و او آئی سی نا باسک ملک آتا نیام اٹ علمی و پٹ وپولی گام گیج آتے سوگو کننگ اٹ کمک رسینگک۔ دستخطی دود انا وخت آ دا سرحال آ سائنس دان و چین اٹی دوا جوڑ کننگ نا صنعت آتا نمائندہ غاتا ہم گپ وتران ہم مریک۔
