اسلام آباد۔ 23مئی ( اے پی پی) مزن وزیر ئِ معاون ھاس برائے امور خارجہ طارق فاطمی ئَ گشتگ انت کہ اقتصادی راہداری ئِ شکل ئَ مزن وزیر نواز شریف ئُُ آئی ئِ چینی ہم منصب ئِ وژن مرچی عملی وڑ ئَ راج ئِ دیما انت۔ راجدپتر ئَ چین ئِ دیمروی ئِ مثال نہ رسیت ئُُ یک ملک ئِ دیمروی ئِ اینکس مزنیں رفتار چنکس وھد ئَ تاں بر قرار نہ مانیت۔ اے ھیال آنی درشانی آئی ئَ دو شمبے ئَ پلاننگ کمیشن ئَ پاکستانئُُ چین ئِ سفارتی سیادی ئِ سالروچ ئِدیوان ئَ ترانکنگ ئَ کرتگ۔ طارق فاطمی ئَ گشتگ کہ پاک چین اقتصادی راہداری محض راہداری نہ بلکں دو مزن وزیر آنی وژن انت۔ اے منصوبہ ئَ خطہ ئَ امن محکمی ئُُ روزگار بیت۔ اے منصوبہ ئِ راہ ئَ بازیں چیلنج انت۔ بلے دوئیں ملک آنی اُلس ئِ کمک ئَ اے منصوبہ سرجمی ئَ سر بیت۔ طارق فاطمی ئَ گشتگ 1951ئَ پاکستان ئُُ چین ئِ نیام ئَ سفارتی سیادی بوھگ ئَ ات آھانی وھد ئِ گوں ھواری ئَ سوگوی آتگ۔ آئی ئَ گشتگ کہ پاکستان ئُُ چین ہر مشکل وھد ئَ یک دومی ئِ گوں اوشتاتگ انت۔ راہداری پاکستان ئُُ چین ئِ نیام ئَ الما دو نیمگی منصوبہ نہ بلکن ایشی دمگی رابطہ ہم بیت آئی ئَ دیمروی ئِ سے انجمن جنوبی ایشیاءچینئُُ وسطیٰ ایشیا یک دومی ئَ ہمگرنچ بیت۔ آئی ئَ گشتگ کہ چین ئِ بھروسہ ئِ بنیات ئِ سرا چین پاکستان اقتصادی راہداری ئِ ردا پاکستان ئَ چِل ئُُ شش ارب ڈالر ئِ سرمایہ کاری ئِ پیسلہ کنگ ئَ حقیقی دوستی ئِ مظاہرہ کرتگ انت طارق فاطمی ئَ گشتگ کہ چین ئَ ھچ ہم جانبداری ئِ پالیسی ئِ سرا عمل نہ کرتگ پرچاکہ آ ہمساھگ ملک آں گوں امن ئُُ وشحالی ئِ شریداری ئِ سرا یقین داریت۔ آئی ئَ گشتگ کہ دوئیں ملک خطہ ئِ اُلس ئِ تقدیر بدل کنگ ئِ ھاترئَ سرجمیں وڑ ئَ پر ازم انت۔
