اسلام آباد ۔ 23 مئی (اے پی پی) مزن وزیر ئِ ھاسیں کمکار برائے ڈنی امور سیدطارق فاطمی ئَ 21مئی 2016ئَ پاکستانی دمگ ئَ ڈرون اُرش ئِ سرا تکانسری ئِ درشان ھاترا امریکی سفیر ڈیوڈ ہیلئَ را دوشمبے ئَ لوٹاینتگ۔ڈنی کارگِس ئِ نیمگ ئَ چہ برجاہ بیان ئِ ردا طارق فاطمی ئَ گوشتگ کہ ڈرون اُرش پاکستان ئِ وت واجہی ئُُ تپاکیں راجانی گل ئِ چارٹر ئِ ہلاپ وزری انت ہمہ کہ وتی باسک ملکانی دمگی سالمیت ئِ احترام ئِ ضمانت دئیگ انت۔آہاں اے گپ ئَ زور داتگ کہ اے وڑیں گامگیج ئِ اوگان حکومت ئُُ طالبان ئِ نیام ئَ امن ئِ مذاکرات ئَ آسراتی ہاترا چار ملکی رہوت گروپ ئِ برجاہ کوشستاں پہ ھراب انت۔مزن وزیر ئِ ھاسیں کمکار ئَ اے گپ ئَ زور داتگ کہ پاکستان ئُُ امریکا ئِ نیام ئَ ناشرکاری ئِ ہلاپ جنگ ئَ نزیکیں دگ جوڈ بوتگ ئُُ اے کمک ئَ را برجاہ ایر کنگ ئِ ضلورت انت۔
