کلائمیٹ ریزیلیئنٹ  پاکستان ءِ  سر ءَ میاں  اوستمانی کانفرنس  آیوکیں  دو شمبے  ءَ   جنیوا  ءَ  برجم  بیت،  درئی کارانی کارگس 

اسلام آباد۔4جنوری  (اے پی پی):کلائمیٹ ریزیلیئنٹ پاکستان  ءِ   ھوالگ ءَ  میاں  اوستمانی  کانفرنس آیوکیں دو شمبے   ءَ  جنیوا ءَ  برجم  بیت۔  پاکستان کانفرنس   ءَ موسمی مٹ  ءُ   بدلی     ءِ  ردءَ ملک ءِ  مھکمی،  برجائی  ءُ نوک سر جوڑیشت   ءِ  فریم  ورک  پیش  کنت۔  درئی کارانی کارگس  ءِ یک  کلانہ ایں  کارندہ  ءَ  چار شمبے  ءَ اسلام اباد ءَ میڈیا   ءِ سروک آں گوں  لس  گپ ءُ ترا ن کت   ءُ گوشت  گوشت کہ پاکستان ءُ یونائیٹڈ نیشن  یکجائی  رنگ ءَ  اے میاں اوستمانی کانفرنس   ءِ میزبانی  ءَ  کنگ ءَ انت۔   آئی ءَ  گوشت کہ  مزن وزیر  شہباز شریف   کانفرنس  ءِ  بنگیج  ءَ کنت۔  اے موہ ءَ میاں  اوستمانی برات    سیلاپ ءَ چہ آماچیں  دمگ   آنی نوک سر جوڑیشت   ءُ برجائی  ءِ کوشست ءَ پاکستان  ءِ گوما  یکجائی  ءَ   درشان کنت۔     باسک آں گوشت کہ  پاکستان دگنیا  ءِ توامیں  ارزشتی  ایں  دارلحکومت آنی گوما رابطہ  ءَ انت  ءُ  اے  نیمگ ءَ کانفرنس   ءَ  مزن تکی   شریکداری   اوست  کنگ بوھگءَانت۔  آئی ءَ گوشت کہ  اے میاں  اوستمانی  کانفرنس  ءَ را  پاکستان ءِ سفارتی  کامیاتی  ءِ رد ءَ ھم  چارگ لوٹ ائیت۔