نوکیں  زمانگ ءِ ٹیکنالوجی  ءِ  دور ءَ  پاکستان  ٹیلی ویژن  ءِ  درستاں چہ مستریں  ٹوھیں ورچوئل  سٹوڈیو  ٹیکنالوجی  ءِ گیپ  دور  کنگ ءَ کمکار سہرا  بیت،  بنجاھی وزیر  اھوالکاری ءُ شنگ کاری  مریم اورنگزیب

اسلام آباد۔6جنوری  (اے پی پی): بنجاھی وزیر اھوالکاری  ءُ شنگ کاری مریم اورنگزیب  ءَ گوشت کہ  نوکیں زمانگ ءِ ٹیکنالوجی  ءِ  دور ءَ پاکستان  ٹیلی ویژن  ءِ  درستاں چہ مستریں  ٹوھیں  ورچوئل  سٹوڈیو  ٹیکنالوجی  ءِ گیپ  دور   کنگ ءَ کمکار سہرا  بیت۔  پاکستان  ٹیلی ویژن  ءِ  کرا  رتوامیں  مڈی است انت  ایوک ءَ  آئی ءَ را گہتریں  رپک ءَ کارمرز کنگ ءِ ضلورت انت۔  آ  آدینگ ءِ روچ ءَ بنجاھی وزیر  توان  انجینیر خرم دستگری  خان ءِ ھمبراھی ءَ   پاکستان  ٹیلی ویژن   ءِ ورچوئل  سٹوڈیو  ءِ  بنگیج ءِ موہ ءَ    گشتانک   کنگ ءَ ات۔  اے موہ ءِ سر ءَ سیکرٹری  اھوالکاری  شاہیرہ  شاہد، ایم ڈی پی  ٹی  وی  سہیل   علی خان ءُ چیئرمین پیمرا  سلیم بیگ  ھم ساڑی ات۔  مراگش ءَ گوں گشتانک دیان ءَ بنجاھی وزیر اھوالکاری   مریم  اورنگزیب  ءَ گوشت کہ  مرچی پی ٹی  وی   ءِ کارندہ  ءُ انتظامیہ ءِ کوشست  آں چہ  پی ٹی  وی ءَ آئی  ٹی ءِ  استیں  سلو شنز  کارمرز بوھگ ءَ انت  ایش نوکیں دور ءِ لوٹ  آنی  رد ءَ  انت۔  آئی ءَ گوشت کہ ورچوئل  سٹوڈیو  ءِ برجائی   پاکستان ٹیلی ویژن  ءِ یک  دگہ  بن ھشت  ات ، ایشرا پاکستان ءِ  درستاں چہ  مستریں ورچوئل  سٹوڈیو  بوھگ ءِ شرپ  گون  انت۔ پی ٹی وی  نیوز  راستیں  ھال آنی گوما   انوگ ءَ  تاں  نوک تریں اندازگ ءَ گوں  کار کنگ ءَ انت۔  ورچوئل  سٹوڈیوز  ءِ ھوالگ ءَ  شریکیں مردم آناں  گوشگ بوت کہ پاکستان ٹیلی  ویژن   ءِ سٹیٹ  آف دی آرٹ ورچوئل سیٹ  راجی دمگی ءُ میاں اوستمانی ھال آنی گوما  موسم ءُلیب ءُ گوازی  ءُ  کرنٹ افیئرز  ءِ پراگرام  آناں ھم  الس ءِدیم ءَ  پیش  کنت۔ پاکستان  ٹیلی ویژن  ءِ  وتی  58 سالی سفر ءِ ساھت ءَ  دیمروئی  ءِ  بازیں نوکیں  منزل  ءُ پند جنت۔