اسلام آباد۔ 06 جنوری (اے پی پی) بنجائی وزیر چاگڑدی بدلی سینیٹر شیری رحمان پارینے کہ عمران خان ہر پوسکن آ دے تینا متکن آ بیان آن یوٹرن ہلیک، دوبہ خلنگ و کرینگ ترسا رعایت ہلنگ نا دور گدرینگانے ، داسہ ادارہ غاک و الس اونا بلیک میلنگ اٹی بفسہ۔ جمعہ نادے آ تینا ٹویٹ اٹی اوپارے کہ دا اسٹ انگا بندغ ءِ ہرا ہڑدے تینا ہی بیان آن انحراف کیک۔ داسہ پنجاب اٹی پت انا وونٹ آن چکار ءِ اینک کننگ کن او دوبہ غاتا پوسکن آ چرجوئی تا بناءِ کرینے۔ اودے سوج ادارہ یا مخالف آتیان آخا، تینا وزیراعلیٰ آن کننگے ۔ اوپارے کہ پوسکن آ بیانیہ جوعڑ کننگ آن حقیقت بدل مفک۔ جلہو نا دوبہ ادارہ غاتیا خلنگ آن اودے ہچ اس دوئی مفک۔ داڑان پنجاب حکومت و کیس آتیٹی ہچ ءُ رعایت اس ملیپک۔ دوبہ خلنگ و کرینگ ترسا رعایت ہلنگ نا داسہ دور گدرینگانے۔ داسہ ادارہ غاک و الس اونا بلیک میلنگ اٹی بفسہ۔ بنجائی وزیر پارے کہ مخالف آتے ہسپتال آتیان ہرسا زندان تیا گدریفوک آ تینٹ دزگیری آن انت اکن خوفزدہ ءِ، تینا دزگیری ءِ توننگ کن مخلوق ءِ سڑک آتیا اتنگ کن انت اکن ہشکا تننگ ءِ، ایلوفتے دروغ انا کیس جوڑ کرسا دزگیر کروک آ بندغ داخس انت اکن خلینگ ءِ، اگہ ڈوہ اس کتنے تو دزگیری نا خلیس انت اکن ءِ؟۔
