زندان تیٹی بند چناتے نرسنگ، الائیڈ ہیلتھ سائنسز، ایم بی بی ایس اٹی ایڈمیشن و تعلیم تننگک، عبدالقادر پٹیل

اسلام آباد۔ 06 جنوری (اے پی پی) بنجائی وزیر قومی جان جوڑی عبدالقادر پٹیل پارینے کہ حکومت میڈیکل نا بشخ انا شونداری و گچینی کن گچین و عملی گام گیج کننگ اٹی ءِ، پاکستان نا غٹ زندان تیٹی بند چناتے نرسنگ، الائیڈ ہیلتھ سائنسز، ایم بی بی ایس اٹی ایڈمیشن و تعلیم تننگک، پی ایم سی ءِ پارت جاری کننگانے۔ جمعہ نادے آ تینا بیان اٹی بنجائی وزیر پارے کہ حکومت میڈیکل نا بشخ انا شونداری و گچینی کن گچین و عملی گام گیج کننگ اٹی ءِ۔ اوپارے کہ 2023 اٹی پاکستان نا غٹ زندان تیٹی بند چناتے نرسنگ، الائیڈ ہیلتھ سائنسز، ایم بی بی ایس اٹی ایڈمیشن و تعلیم تننگک۔ پاکستان نا غٹ پبلک سیکٹر میڈیکل یونیورسٹی تے دا لازم کننگ کہ اسہ اگہ چناس زندان اٹی ڈاکٹر ہم جوڑ مننگ خوائے تو دا اونا حق ءِ۔ اوپارے کہ دا چرجوئی ٹی پاکستان میڈیکل کمیشن ءِ پارت جاری کننگانے۔ اوپارے کہ زندان اٹی ساڑی لائخ و ہشار چناتے ڈاکٹر، نرس و میڈیکل نا ہربشخ اٹی تعلیم کننگ کن وارخواہی فراوان کننگک۔ داکاریم نا مسخت زندان اٹی بند غٹ چناتے راج انا اسہ نمان ءُ ہند اس ترفنگ ءِ۔ اوپارے کہ حکومت راج انا ہرتپہ و بندغ ءِ اسہ وڑ آسراتی فراوان کننگ کن سنبرینگوک ءِ۔ راج انا شونداری کن ہر بندغ ءِ بریبر تعلیم نا آسراتی تننگ ننا فرض ءِ۔ تعلیم و جان جوڑی آن بیدس اسہ راج اس ہم شونداری نا کنڈا ہِننگ کپک۔ اوپارے کہ ننا حکومت السی است خواہی تا ترجمانی ءِ کیک۔ الس نا راجی آسراتی خذمت ننا حقی نصب العین ءِ۔