مچ آ ملک اٹی 24 گھنٹہ ٹی کورونا دین انا 23 کیس رپورٹ مس، این آئی ایچ

اسلام آباد۔ 06 جنوری (اے پی پی) قومی ادارہ جان جوڑی (این آئی ایچ) پارینے کہ مچ آ ملک اٹی 24 گھنٹہ ٹی کورونا دین انا 23 کیس رپورٹ مس۔ جمعہ نادے آ این آئی ایچ نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی 3 ہزار 910 کورونا ٹیسٹ کننگا ہرافتیان 23 بندغ آتا ٹیسٹ مثبت بس، ہندا وڑ دا مد اٹی کورونا ٹیسٹ آتا مثبت کچ 0.59درسد ئس۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 22 بندغ آتاحالیت نازرک ءِ۔ مچ آ ملک انا چندی شار تیٹی 24 گھنٹہ غاتیٹی کروک آ ٹیسٹ آتیان اسلام آباد اٹی 242 ٹیسٹ کننگا ہرافتیان 2 بندغ آتا ٹیسٹ مثبت بس و داڑے مثبت کیس آتا کچ 0.83درسد ئس، لاہور اٹی 760ٹیسٹ آتیان 6 بندغ آتا ٹیسٹ مثبت و کچ 0.79درسد، پشاور اٹی 513 آن 3 مثبت و کچ 0.58درسد ئس۔