اسلام آباد۔ 06 جنوری (اے پی پی) ملک اٹی پلاسٹک مصنوعات آتا درآمد آتیٹی برجامالی سال انا اولیکو 5 تُو اٹی سالانہ بنداو تیا 16.09 درسد نا کمتی ریکارڈ کننگانے۔ اسٹیٹ بینک و پاکستان بیورو شماریات نا کنڈان دا بابت جاری کروک حساب وکتاب نا رداٹ جولائی آن نومبر 2022 اسکان نا مدا ٹی پلاسٹک مصنوعات آتا درآمد آتیا 1.117 ارب ڈالر ان زرمبادلہ خڑچ مس ہرا تدوک آ مالی سال انا ہندا مد انا مقابلہ ٹی 16.09 درسد کم ءُ، تدوک آ مالی سال انا ہندا مد اٹی پلاسٹک مصنوعات آتا درآمد آتیا ملک ءِ 1.229 ارب ڈالر نا زرمبادلہ خڑچ مسوسس۔ نومبر اٹی پلاسٹک مصنوعات آتا درآمد آتا کچ 181.48 ملین ڈالر ریکارڈ کننگا ہرا اکتوبر اٹی 219.59 ملین ڈالر و نومبر 2021 اٹی 354.79 ملین ڈالر ئسر، مالی سال 2021 اٹی پلاسٹک مصنوعات آتا درآمد آتیا 3.251 ارب ڈالر نا زرمبادلہ خڑچ مسوسس۔
