اسلام آباد۔ 05 جنوری (اے پی پی) بنجائی وزیر تخفیف نیزگاری و راجی رکھ و چیئرپرسن بے نظیر انکم سپورٹ پروگرام شازیہ مری شہید ذوالفقار علی بھٹو نا سال دے آ اودے خراج عقیدت پیش کرسا پارے کہ او شہید ذوالفقار علی بھٹو نا 95 می سال دے آ پیپلزپارٹی نا جیالہ، کارندہ و الس ءِ مبارکبادی پیش کیک و شہید ذوالفقار علی بھٹو نا الس و جمہوریت نا سوگوی کن کروک آ خذمت آتیا اودے خراج عقیدت پیش کیک۔ تینا بیان اٹی ترجمان پی پی پی پارلیمنٹرینز شازیہ مری پارے کہ قائد الس ملک انا الس ءِ تینا حق انا دوئی کننگ و ظلم انا برخلاف ہیت کننگ نا طاقت تس۔ شہید قائد الس تینا دور انا بدترین آمرآتون آئین نا بالادستی نا خاطر نرزوری اٹ مقابلہ کرے۔ اوپارے کہ شہید گودی بینظیر بھٹو قائد الس نا نظریہ و مشن ءِ نرزوری اٹ مون آ درے۔ اوپارے کہ صدر آصف علی زرداری و چیئرمین پیپلزپارٹی بلاول بھٹو زرداری ئسک ہم شہید ذوالفقار علی بھٹو نا مشن آ ہِننگ ءُ۔ پیپلزپارٹی شہید ذوالفقار علی بھٹو نا مشن نا پوروی کن مدام تینا جہد ءِ برجاتخک۔
