سویلی ایشیا ٹی امن و شونداری کشمیر نا جھیڑہ نا ایسری تون منسلک ءِ،جہانی برادری کشمیری تے اوفتا کانودی حق انا فراوانی کن تیناکڑد ءِ اداکے، وزیراعظم شہباز شریف

اسلام آباد۔ 05 جنوری (اے پی پی) وزیراعظم محمد شہباز شریف پارینے کہ سویلی ایشیا ٹی امن و شونداری کشمیر نا جھیڑہ نا ایسری تون منسلک ءِ، حق خودارادیت نا دے انا وخت آ جہانی برادری آن خواست ءِ کہ او کشمیری تے اوفتا کانودی حق انا فراوانی کن تینا کڑد ءِ ادا کے۔ پنچ شنبےنادے آ تینا ٹویٹ اٹی اوپارے کہ سویلی ایشیا ٹی پائیدار امن و شونداری نا دارومدار کشمیر نا جھیڑہ نا ایسری آٹی ءِ، جہانی برادری دارداٹ تینا کڑد ءِ ادا کے و کشمیری تے اوفتا کانودی حق ترفے۔ اوپارے کہ بھارت 5 اگست نا اسہ کنڈی گام گیج آتے دمدستی پدی ہلے۔