اسلام آباد۔ 05 جنوری (اے پی پی) کل جماعتی حریت کانفرنس آزاد کشمیر شاخ انا کنوینر محمد احمد ساغر نا کماشی ٹی اقوام متحدہ نا فوجی مبصر نا نمائندہ ءِ سیکرٹری جنرل یو این اے نا پن یات داشت اس پیش کننگا ہراٹی اقوام متحدہ و جہانی برادری آ زور شاغنگانے کہ او سویلی ایشیا ءِ پرامن جوڑ کننگ کن کشمیر نا جھیڑہ ءِ اونا حقی رداٹ ایسر کرفنگ کن تینا کڑد ءِ ادا کیر، ہراتم اسکان کشمیری الس ءِ تینا آخبت نا فیصلہ ءِ کننگ نا حق تفننگک سویلی ایشیا نا دا ڈیہہ ٹی امن مننگ کپک۔ اوداہیت آ زور شاغا کہ 5 جنوری 1949 آ اقوام متحدہ کمیشن پاکستان و بھارت بھاز اہم ءُ قرارداد اس منظور کریسر ہرانا مسخت کشمیری الس ءِ تینا آخبت نا فیصلہ کننگ ئسک ولے بھارت نا ہٹ دھرمی تا سوب آن دا ویل داسکان ایسر نا چاری ءِ۔ کشمیری الس آجوئی کن بھلو قربانی اس تسنے۔ اوپارے کہ جہانی برادری ءِ کشمیر نا ویل انا ایسری کن فعال کڑد ادا کروئی مریک انتئے داڑان بیدس سویلی ایشیا ٹی امن نا تغ پورو مننگ کپک۔ اوپارے کہ اقوام متحدہ و جہانی واکدار آتا خاموشی آن سویل ایشیاٹی امن ءِ بھاز خطرہ مون تروک ءِ اگہ اقوام متحدہ کشمیری تے استصواب رائے نا حق تتو تو سویل ایشیا بھسکاری آن دوچار مریک۔ خواجہ فردوس پارے کہ حق خودارادیت کشمیری تا بنداوی حق ءِ ، کشمیری تینا آجوئی کن پرامن جہد ءِ برجاتخرہ۔ اوپارے کہ تدوک آ سال تیانبار 202 ہم کشمیری تیکن خون آشنام آن کم الوکہ۔ بے گناہ کشمیری تا ناحق خون ءِ کننگا۔ ڈل اٹی شیخ عبدالمتین ، الطاف حسین وانی، حسن البنا، اعجاز رحمانی و امتیاز وانی ئسک اوار ئسر۔
