اسلام آباد۔ 04 جنوری (اے پی پی) وزیراعظم محمد شہباز شریف پارینے کہ پاکستان ءِ مون تروک چیلنج آتون مون تننگ کن کسبکار بندغ آتے شریدار کننگ اُن، کنا پارت آ وزیر ڈٹ بندی چیمپئن آف ریفارمز(سی او آر) نیٹ ورک انا بنا ءِ کننگ اُن، دا نیٹ ورک اسہ پلیٹ فارم اسے نا وڑاٹ کاریم کیک ہراٹی ملک اکن چاہندار آتا خذمت آتے ہلنگک۔ چارشنبےنا دے آ تینا ٹویٹ اٹی وزیراعظم پارے کہ پاکستان نا تاریخ اٹی اولیکو وار بھلا چیلنج آتون مون تننگ کن گچین ٹیلنٹ ءِ کاریم اٹ اتنگک۔ کسبکار پاکستانی ملک انا گمر ءُ ہرافک جہانی کہو ل آ چندی بشخ آتیٹی تینا ہند اس جوڑ کریر۔ مون تروک چیلنج آتون مون تننگ کن کسبکار بندغ آتے شریدار کننگ اُن۔ سی او آر نیٹ ورک اسہ ہندن ءُ پلیٹ فارم اسے نا وڑاٹ خذمت سرایتک ہراڑے قوم انا خذمت کن چوٹی نا چاہندارآک اواری اٹ تولرہ۔ پاکستان نا تاریخ اٹی اولیکو وار نن عملی کسر نا کنڈا ہِننگ اُن ہراڑے نن تینا گچین ٹیلنٹ نا شریداری اتون ملک ءِ مون تروک چیلنج آتا ایسری کن اجتماعی کوشست کینہ۔
