اسلام آباد۔28دسمبر (اے پی پی):مزن وزیر محمد شہباز شریف ءَ سگریٹ ساچی ءِ شوبگ ءِ تہ شپوکی ءُ ٹیکس دُزی ءِ گرودارسرا زور مان کنانءَ فیڈرل بورڈ آف ریوینو ءَ را پنت ءُ شون دات کہ گوزوکیں سال ءِ تہ مالی سال ءِ تہ ٹیکس ٹارگٹ ءَ را زورگ ءَ را سدکی جوڈ کنگ بیت، ٹیکس دُزاں را کانود ءِ ردا سزا ءُ نوکتریں ٹیکنالوجی ءِ کارمرزی ءُ شریں انفورسمنٹ ءَ گوں ٹیکس گرگ ءِ سسٹم ءَ را گہتر کنگ بیت۔آں چار شمبے ءَ ملک ءِ تہ تمباک ءِ درکانودی آھگ ءُ روگ ءُ ٹیکس دُزی ءِ ٹرینڈ ءِ ھلاسی ھاترا مزن تکی دیوان ءِ سروکی کنگ ات۔دیوان ءِ تہ ھزانگ وزیر محمد اسحاق ڈار،تہی کارانی وزیر رانا ثناء اللہ ،مزن وزیر ھاسیں کمکار طارق باجوہ،چیئرمین ایف بی آر عاصم احمد ءُ مزن تکی واکداراں بھرزوراتگ۔
