اسلام آباد۔28دسمبر (اے پی پی):مزن وزیرمحمد شہباز شریف ءَ کشت ءُ کشاری ءَ را پاکستان ءِ تہ فوڈ سیکیورٹی ءِ ضامن من اتگ ءُ گوشت کہ دھکان پیکیج سرا وڈ ءُ پیم ءَ را ترند کنگ بیت۔دال ءُ دگہ بیجانی پیداوار گیش کنگ ءِ ھاترا گہتر بیج پھجارگ ءَ یقینی جوڈ کنگ بیت۔چار شمبے ءَ مزن وزیرآفس ءِ میڈیا ونگ ءِ نیمگا چہ جاڑی بیان ءِ ردا آہاں اے پنت ءُ شون کشت ءُ کشاری ءِ تک ءِ دیمروئی ھاترا حکومت ءِ نیمگا چہ داتگیں راجدپتری دھکان پیکیج سرا چارءُ تپاسی دیوان ءِ سروکی کنان ءَ کتگ انت۔دیوان ءِ تہ ھزانگ وزیر محمد اسحاق ڈار،فوڈ سیکیورٹی ریسرچءِ بنجاہی وزیر چودھری طارق بشیر چیمہ، تہی کارانی وزیر رانا ثناءاللہ خان،وزیر صنعت سید مرتضی محمود،ھالرسانی ءِ وزیر مریم اورنگزیب، وزیر مملکت برائے پٹرولیم ڈاکٹرمصدق ملک، مزن وزیرھاسیں کمکارڈاکٹر جہانزیب خان، گورنر سٹیٹ بینک جمیل احمد،مزن وزیرءِکوآرڈینیٹر رانا احسان افضل ءُ ہمگرنچیں مزن تکے واکداراں بھرزوراتگ۔مزن وزیرءَ گوشت کہ دھکان پیکیج سرا وڈ ءُ پیم ءَ را ترند کنگ بیت،کشت ءُ کشاری ءِ تک ءِ دیمروئی پاکستان ءِ تہ فوڈ سیکیورٹی ضامن انت۔آہاں گوشت کہ مارا پاکستان ءِ تہ فوڈ سیکیورٹی ءَ را یقینی جوڈ کنگی انت، ملکءِ تہ فوڈ سیکیورٹی ھاترا گندیم، کرپاس، کنولہ ءُزیتون ءِ کشاریءُ پیداوار سرا ھاسیں دلگوشی دیگ بیت ءُ دھکانءَ را دال آنی ھوار دگہ بیجانی پیداوارگیشتر کنگ ءِ ھاترا بیجانی پھجارگءَ را یقینی جوڈ کنگ بیت۔دیوان ءِ تہ سرپد کنگ بوتگ کہ دھکان پیکیج ءِ سرا وڈ ءُ پیم ھاترا ورناہانی ھاترا وام سکیم ،کسانیں دھکان ءَ پہ سود ءِتہ کمی ءُ سیلاپ آماچیں دمگانی دھکان ءَ پہ ابید سود وامانی پھجارگ ءِ درگت ءَ سٹیٹ بینک ءِ نوٹیفکیشن وسیلگ ءَ بینک ءَ را پنت ءُ شون داتگ انت۔گوزوکیں سال ءِ نومبر ءِ تاں664 ارب ءِ کشت ءُ کشاری وام دھکان آنی تہ بھر ءُ بانگ کتگ انت اے واہ گوستگیں مالی سال ءِ مقابلہ ءَ 36 درسد گیشتر انت۔
