سکھر۔ 27 دسمبر (اے پی پی) بنجائی وزیر شازیہ مری پارینے کہ مچ آ پارٹیک ملک ءِ بچفنگ و پی ٹی آئی اودے نزور کننگ خواہک، اینو نادے پیپلزپارٹی کن بھلو سانحہ اس مس، بینظیر بھٹو ءِ جون نا خطرہ ئس اوکان پد ہم وطن آ پدی بس، سیاست پِت آتا سیج اسے ولدا ہم نن اودے پورو کننگ اُن۔ داخیال آتا درشانی ءِ او سکھر ایئر پورٹ آ میڈیا تون گپ وتران کرسا کرے۔ اوپارے کہ عمران خان ءِ ہیلی کاپٹر آ پیری کُننگ نا عادت مسنے، اولالچ نا سوب آن ملک ءِ ڈیفالٹ نا کنڈا دریکہ، اودے اینک کننگتوکہ تو ملک سری لنکاآنبار ڈیفالٹ کریکہ۔ اونا پاننگ ئس کہ پی ٹی آئی ءِ اگہ استیفہ تروئی ءِ تو اودے دیر اس تورینے، اونا باسک آک استیفہ ترسا ولدا اسپیکر نا نت تیا تمرہ کہ ننا تنخواہ و آسودہی تے کاٹنگپ۔ شازیہ عطامری پارے کہ کے پی حکومت دہشت گرد آتا مون آ لیٹانے و اوفتے تون مون تننگ کپننگ ءِ۔ اوپارے کہ ملک انا بقانا خاطر نن پی ڈی ایم تون تفسا نالائخ حکومت ءِ چٹفین، سندھ اٹی بدامنی آ ہیت کروک آ ک ایلو صوبہ غاتا حالیت آتے ہم مون آ تخر۔
