کوئٹہ۔26دسمبر  (اے پی پی):بنجاہی وزیر مملکت برائےھاٹیگ (پاور ڈویژن) میر محمدہاشم نوتیزئیءَ گوشت کہ برقی لینانی سرا کار ءِ وھد ءَ کیسکو فیلڈ اسٹاف وتی جانانی رکھگ ءَ یقینی جوڈ کن انت ءُ سیفٹی راھبندانی سرا توان ءِ لین ءِ سرا کا رءَ کن انت۔اے ھیالانی درشان آہاں کیسکو ہیڈ کوارٹرز ءِ تہ فیلڈ آپریشن اسٹاف ءِ ھاترا نوکیں بکٹ گاڈیانی بنگیجی ءِ موہ سرا کیسکو افسرانی ءُ کارندہاں گوما گپ ءُ تران کنان ءَ کتگ انت۔اے موہ سرا کیسکوءِ چیف انجینئر (آپریشن)شوکت علی جوگیزئی، چیف انجینئر (ڈیویلپمنٹ) ولی محمداچکزئی، چیف انجینئر (اواینڈایم) محمداقبال بڑیچ، چیف انجینئر (پلاننگ) محمدنعیم کاکڑ، ڈائریکٹرجنرل (ایچ آرایڈمن) سید عزیر علی حسنی، پراجیکٹ ڈائریکٹر کنسٹرکشن کلیم اللہ جوگیزئی، ڈپٹی منیجر (ٹرانسپورٹ) میروائس پانیزئی ءِ ھوار کیسکو ءِ دگہ ہمگرنچیں افسر ھم ساڑی اتنت۔اے موہ سرا وزیر مملکت برائے ھاٹیگ (پاور ڈویژن) میر ہاشم نوتیزئی ءَ گوشت کہ کیسکوءِ لین اسٹاف ادارگ ءِ سرین ءِ ھڈ ءِ بستار انت ءُ کارندہانی جان ءِ رکھگ ھاترا دراھیں وسیلگ ءَ کارمرز کن انت۔

متعلقہ مضامینمصنف کی طرف سے مزید