اسلام آباد۔26دسمبر (اے پی پی):ھالرسانی ءُ شنگکاری ءُ بنجاہی وزیر مریم اورنگزیب ءَ لاہور پریس کلب ءِ نوک گچین بوتگیں اگدھ داراں را مبارکبات دیان ءَ گوشت کہ مسلم لیگ (ن) ءِ حکومت آجوئی ءِ درشان ءُ اھوالکاری ءِ آجوئی سرا سدکی دارگ انت،اھوالکارانی فلاح ءُ بہبود ءِ ھاترا ہر وڈیں گاماں چست کنیں۔اے ھیالانی درشان آہاں لاہور پریس کلب ءِ نوک گچین بوتگیں صدر اعظم چوہدری، سینئر نائب صدر شاداب ریاض، نائب صدر ظہیر احمد بابر، سیکریٹری عبدالمجید ساجد، جوائنٹ سیکریٹری حسن تیمور جکھڑ ءُ فنانس سیکریٹری حافظ فیض احمد ءِ ھوار گورننگ باڈی ءِ باسکاں را لاہور پریس کلب ءِ گچینکاری ءِ تہ مبارکبات پیش کنان ءَ کتگ انت۔بنجاہی وزیر ھالرسانی ءَ اے امیت ءِ درشان کنان ءَ گوشت کہ لاہور پریس کلب ءِ نوک گچین بوتگیں سروک اھوالکارانی فلاح ءُ بہبود ءِ ھاترا وتی کرد ءَ ادا کن ایت۔آہاں گوشت کہ لاہور ءِ اھوالکار براتری آئین ءُ کانود ءِ برزدستی ءُ جمہوری روایت ءِ ھاترا وتی کرد سرجم کن ایت۔مریم اورنگزیب ءَ لاہور پریس کلب ءِ نوک گچین باڈی ھاترا نیکیں واھشتانی درشان کتگ۔
