اسلام آباد۔ 23مئی(اے پی پی) وزیراعظم نا خصوصی کمکار برائے امور خارجہ طارق فاطمی پارینے کہ اقتصادی راہداری نا دروشم اٹ وزیراعظم نواز شریف و اونا چینی ہم منصب نا وژن اینو عملی وڑاٹ قوم انا مون آٹی ئِ ، تاریخ اٹی چین نا شون انا مثال ملیپک و اسہ ملک اسینا ہم شون انا اعلی رفتار داخہ وخت اسکان برقرارسلتنے۔ داخیال آتا درشانی ئِ او دوشنبے آ داڑے پلاننگ کمیشن اٹی پاکستان و چین نا سفارتی تعلقداری نا سالگرہ نا دود آن تران کرسا کرے۔ طارق فاطمی پارے کہ پاک چین اقتصادی راہداری محض راہداری اس اف بلکن اِرا وزیراعظم آتا وژن ئِ، دا ڈٹ آن ڈیہہ ٹی امن سوگوی و روزگار ممکن مریک ، دا ڈٹ انا کسراٹی بھاز انگا چیلنج آک ئُ ، ولے ہڑتوم آ ملک آتا الس نا کمک آن دا ڈٹ ایسری اسکان رسینگک۔ اوپارے کہ ۔ طارق فاطمی پارے کہ 1951ءٹی پاکستان و چین نا نیام اٹ سفارتی تعلقداریک اڈ ہلکونو ہرافتے ٹی وخت اتون اوار اوار سوگوی بس۔ اوپارے کہ پاکستان و چین ہر مشکل ساہت اٹی اسہ ایلو تون سلوک ئُ، راہداری پاکستان و چین نا نیام اٹ صرف ہڑتوم آ کنڈآتا ڈٹ اف بلکن اوڑآن علاقائی رابطہ غاک ہم قائم مریرہ ہراڑآن شون نا مسہ انجن سویلی ایشیائ، چین و نیامی ایشیا اسہ ایلوتون منسلک مریرہ۔ اوپارے کہ چین پت انا بنداو آ چین پاکستان اقتصادی راہداری نا تحت پاکستان اٹی چل ئُ شش ارب ڈالر نا زرکاری نا فیصلہ ئِ کرسا حقی سنگتی نا درشانی ئِ کرینے۔ طارق فاطمی پارے کہ چین وخت اس ہم جانبداری نا پالیسی آ عمل کتہ نے انتئے کہ او ہمسایہ ملک آتون امن و شونہالی نا اشتراک آ یخین تخک۔ اوپارے کہ ہڑتوم آ ملک ڈیہہ نا الس نا تقدیر ئِ بدلیفنگ کن پوروی وڑاٹ پرعزم ئُ۔
