اسلام آباد ۔23مئی (اے پی پی) بُنجاھی وزیر ھزانگ ئُُ سینیٹر اسحاق ڈار ئِ گوما پاکستان ئَ ساڑڑیگ ایں برطانیہ ئِ ہائی کمشنلر تھامس ڈریو ئَ گند ئُُ نند کتگ، اے گند ئُُ نند ئِ تہ ئَ دو نیمگی ھوری ئُُ تپاکی ئَ ھوار ھاسیں رنگ ئَ اقتصادی کمک ئِ اُمیت آنی سر ئَ ھیال ریچی کنگ بوت۔ وزیر ئِ ھزانگ ئَ نوکیں برطانوی ہائی کمشنر ئَ را وش اتک کُتئُُ اُمیت سہرا کُت کہ دوئیں ملک آنی نیام ئَ ھوری ئُُ تپاکی ئَ را گیش مھکم کنگ ئِ زلورت اِنت۔ وزیر ئِ ھزانگ ئَ گوشت کہ استیں حکومت اقتصادی دیمروئی ئُُ روزگار ئِ موہ آناں گیش کنگ ئِ ھاترا دِگوش اِنت۔ آئی ئَ گوشت کہ اے رد ئَ درملکی سرمایہ کاری ازشتی ایں بستار ئِ ادا کُت کنت۔ حکومت درملکی سرمایہ کار آناں وش اتک کنت۔ آئی ئَ ڈی ایف آئی ڈی برطانیہ ئِ نیمگ ئَ پاکستان ئِ بازیں پڑ آں کمک کنگ ئَ را ساڑات۔ اے بابت ئَ برطانیہ ئِ ہائی کمشنر ئَ گوشت کہ اے آئی ئِ پاکستان ئَ دومی بر اِنت کہ سیٹ ئِ سر ئَ اِنت۔ آئی ئَ گوشت کہ پاکستا ن ئُ برطانیہ ئِ نیام ئَ ھوری ئُُ تپاکی دوئیں ملک آنی واستہ سک باز ازشت داریت۔براطانیہ ئِ ہائی کمشنر ئَ گوشت کہ پاکستان ئِ پڑ ئَ امن ، برجائی ئُُ دیمروئی ئِ واستہ المی ایں کارست ئَ پیلو کنگ ئَ اِنت۔ آئی ئَ گوشت کہ ملک ئِ اقتصادی ئُُ سیکورٹی جاور اٰل آنی تہ ئَ سک باز گہتری اتکگ ایشی ئَ چہ ملک ئِ در ملک سرمایہ کار آناں دلگوش کنگ ئَ کمک رسیت۔
