اسلام آباد۔ 22مئی ( اے پی پی) منصوبہ بندیءُ دیم روئی ئِ بنجاھی وزیر احسن اقبال ئَ پاکستان ءُ چین ئِ سفارتی سیادی ئِ 65می ودی روچ ءِ سرءَ سرجمیں راج ئَ را مراد بات داتگءُ گشتگ کہ پاک چین اقتصادی راہداری منصوبہ ءَ چہ چین ئِ گوما سیادہمالیہ ئَ چہ بُرز بوتگ ءُ استالاں سر بوتگ ، سی پیک منصوبہ ملک ئِ دژمنانی چم ئِ پُٹ اِنت چیاکہ اے منصوبہ ئِ سرجمی ئَ چہ پاکستان نہ تنا اقتصادی بلکیں دیم پانی ئِ تہا باز مھکم بیت، سرجمیں راج ئَ را ھم تپاکیءُ یکوئی ئِ گوما اے منصوبہ ئَ را سرجم کنگئَ ھمراھ داری کنگ لوٹ ایت ءُ دگنیا ءَ را اے کلوھ دیئگ لوٹ ایت کہ پاکستان ئِ تہا سیاسی کش ءُ چیل ءُ چنگءُ سروز ئِ لیب گوست جوڑ بوتگ اَنت ، نوں اِد ئَ سیاسی مھکمی اِنت ، دگنیاءِ زرکار پاکستانئَ بیا اَنت ءُ زرکاری بہ کن اَنت۔” اے پی پی “ ئَ را ھاسیں گلگودار دار داتگ ءُ احسن اقبال ئَ گشتگ کہ پاکستان ءُ چین ئِ سنگتی ئِ درور سرجمیں دگنیائِ تہا دیئگ بیت،65سالانی تہا چین ئَ پاکستانئِ ھرچ گرانیں ساھت ئَ آئی ئِ گوما ھمراھ داری کتگ ءُ پاکستان ئَ ھم ھرچ فورم ئِ سرئَ چینئِ دوستیئِ ھک ادا کتگ۔ ھمےں سبب اِنت کہ اے دوستی ئَ را ہمالیہئِ کوھئَ چہ بُرز، جہل تریں زِر ئَ چہ جُہلءُ شرکینیں بینگئَ چہ شیرکین گشگ بیت، البت اے دوستی ئِ تہا یک بھرے ئِ کمی بوتگ کہ آھودہ ما سیاسی محاذ ئِ سرئَ باز نزیک بوتگ اَنت، اقتصادی تک ئَ ھم اے سنگتی ئَ را مے حکومتئَ اقتدار ئِ تہا آھگ ئَ پد چین ئِ گوما دوستی ئَ را یک اقتصادی شریداری ئِ تہا مٹ کتگ۔ آئی ئَ گشتگ کہ پاک چین اقتصادی راہداری منصوبہ ئِ برکت ئَ چین پاکستان ئِ تہا درساں چہ گیش زرکاری کنوکیں ملک جوڑ بوتگ ءُ دوھیں ملک آنی اقتصادی سیادی باز گشادی ئِ گوما دیم روئی کنگءَ اَنت، سی پیک منصوبہ ئِ سببئَ اے دوستی ہمالیہ ئَ چہ تنا بُرز نہ بلکیں استالاں چہ ھم بُرز بوتگ ، انشاءاللہ تعالیٰ اے دوستی ئِ اقتصادی نتیجگ پاکستان ئَ را بجلی ئِ پدمنتگی ئَ را گرءُ دار کنگ ءُ ملک ئِ تہا روزگار ئِ موھ ودی کنگئَ ابید چاریں صوبہ آں پدمنتگیں دمگاں راہداری ئِ وسیلگئَ بندوک کنگئِ موھ دست کپ اَنت ءُ چین ءُ درنیامی ایشیاءئَ را وت مہ وت ئَ گوں بندوک کنگئَ چہ نوکیں دورے ئِ بندات بیت۔ یک جُستےئِ پسوئَ احسن اقبال ئَ گشتگ کہ پاک چین اقتصادی راہداری ئَ چہ اے خطہ ئِ جیواکنامکس جاورھال مٹ بیت ءُ سٹیٹس ئِ تہا ھم مٹی کیئت کہ ایشی ءِ سبب ئَ پاکستان ئَ را جنوبی ایشیاءءُ وسطی ایشیاءءُ چین ئِ ھوالگئَ یک بنکی کرد حاصل بیت، پاکستان ئِ معیشت مھکم بیت، مے اقتصادی دیم روئی گیش دیم ئَ رﺅت ءُ ایشی ئَ چہ مے دیمپانی زانتکاری ھم گیش مھکم بیت ، ھمے ھاترئَ اے پاکستان ئِ دژمن اے منصوبہ ئِ ھلاپ اَنت، اے منصوبہئَ چہ پاکستان ئَ را اے خطہ ءِ تہا یک بنجاھی ارزشتے بیت، ھمیں سبب اِنت کہ بازیں پندلے ساچگ بوھگ ئَ اِنت ، البت ئَ ما اگاں سرجمیں یکوئی ئِ گوما ئُ سیاسی مھکمی ئِ گوما رھادگ بہ بنت گڈا انشاءاللہ ھچ زوراک مارا دیمئِ رﺅگ ئَ داشت نہ کنت۔ یک جُستےئِ پسوئَ احسن اقبال ئَ گشتگ کہ ملک ئِ سیاسی زوراکانی زمہ واری اِنت کہ مہ اے گپ ئَ سما بہ کن اَنت کہ مرچیگیں دگنیا مقابلہ ءُ اقتصادیات ءِ دگنیا اِنت ، ھما ملک ءِ معیشت ترندءُ مھکم اِنت ءُ آئیءِ وت واکی اِنت کہ گڈا دگنیائِ تہا آئیئِ عزتءُ شرپ اِنت۔ ھما ملک کہ معاشی ھساب ئَ کواپگ ءُ نیزوربیت نہ آئیئِ عزت ءُ شرپ بیتءُ نہ مھکم بیت۔ نوں وھد اَتکگ کہ ما پاکستان ئَ تا ایشیاءئِ شیر جوڑ کنگ ئِ ھاتر ئَ ملکی معیشت ءُ سیاسی مھکمی ئِ سرئِ یکوئی ءُ اتحاد پیش دارگ بہ بیت، نوں ما سیاسی کشءُ چیلئَ چہ پہازگ لوٹ ایت چیاکہ دگنیائِ تہا دراھیں ملک یکے دومی ئِ گوما سیاسی مھکمی ئِ گوما دیم پہ دیم بوھگ ئَ اَنت ۔احسن اقبال ئَ گشتگ کہ نوں مارا یک مھکمیں ءُ جمہوری ملکے بوھگئِ ارزشت ئَ سرجمیں دگنیائَ را اے کلوھ دیئگ لو ٹ ایت کہ پاکستان ئِ تہا کشءُ چیل ءِ ءُ چنگ ءُ سروز ئِ سیاسی لیب کہ گوست ئَ بوتگ اَنت ،نوں آ زمانگ گوستگ، نوں پاکستان ئِ تہا یک مھکمیں جمہوری نظامے اَست کہ ایشی ئِ رندگیریئَ کنانئَ ھمک پنچ سال ئَ پد گچین کاری بنتءُ ھاس 2013ئَ چہ 2016ئَ ما یکوئیئَ دیم روئیئِ کشکئَ رھادگ اَنت ئُ سوبمندی ئِ پادیانکانی سرئَ گام جنان اَنت ، ضلورت اے گپیگ اِنت کہ ما رپک ئَ بہ دار اَنت ءُ دگنیائَ را اے کلوھ ئَ بدے اَں کہ مے اے گام انشاءاللہ دیمئَ کنزاَنت ئُ پاکستان ئِ تہا زرکاری کنگ بہ بیت چیا کہ اِدئَ سیاسی مھکمی اِنت۔ ما درس یک جاھ ملک ئَ را دیم ئَ برگئِ ھاترئَ کار کنگ ئَ اَنت، زارشانی ئِ سیاست ئِ ندارگ وھدے میاں اوستمانی ھال در ئِ تہا پدّر بنت گڈا ایشی ئَ چہ ملکی زرکاری آماچ بیت ۔
